“Loita contra a pobreza e a exclusión social en Galicia” é o título baixo o que se reúnen as mellores fotografías presentadas ao concurso de idéntico nome organizado pola Fundación Galicia Europa. A mostra recolle a imaxe gañadora máis outras 18 instantáneas que plasman a visión da mocidade galega sobre as distintas caras da desigualdade que podemos ver nas nosas rúas.
A inauguración terá lugar ás 19h na Igrexa da Universidade, que acollerá a mostra desde o día 15 ata o 30 de decembro. Xa en 2011 a exposición iniciará un percorrido itinerante que a levará polas catro deputacións galegas máis a sede da Fundación Galicia Europa en Bruxelas.