A Fundación Galicia Europa organiza unha serie de xornadas divulgativas baixo o título “Ferramentas de axuda e financiamento para pemes a nivel comunitario”. A relatora destas charlas será María Carracedo Taboada, experta en negocios e investimentos dunha importante consultora a nivel estatal. Con estes encontros, a Fundación prosegue no seu obxectivo de informar aos emprendedores galegos sobre as posibilidades que a UE lles ofrece, así como favorecer a imbricación do noso sector privado no tecido económico europeo.
A Fundación promove tres conferencias con pequenos e medianos empresarios, en colaboración con tres membros do seu padroado:
– 20 de maio, na Cámara de Comercio de Pontevedra.
– 1 de xuño, na Cámara de Comercio de Ferrol.
– 8 de novembro, na Cámara de Comercio de Lugo.
+ INFO: http://www.fundaciongaliciaeuropa.eu/tipo2_ver.asp?idSeccion=9&idTema=80&idNoticia=500